નિયતિ ની દીકરીઓ (Daughters of Destiny) – સીરીયલ સમીક્ષા


સફળતા શું છે?

Shanti Bhavan (@ShantiBhavan) | Twitter

કાળી મજૂરી કરતી અને માથા ઉપર પાણા ઉપાડતી વિધવા મા ની દીકરી જયારે ભણીગણી ને વકીલ બને ત્યારે આપણે તેને સફળતા માનીએ ખરું ને? પણ ત્યારે કોઈ તેને કહે કે અમે તેને સફળતા નહિ ગણીએ તો આપણને વિસ્મયતા થાય। સત્ય ઘટના ઉપર આધારિત ડોટર્સ ઓફ ડેસ્ટીની ઉર્ફ નિયતિ ની દીકરીઓ નામની સીરીઅલ માં આ વાત નું વર્ણન છે.

ડૉક્ટર જોર્જ ભારત થી અમેરિકા શિક્ષણ માટે આવ્યા અને ત્યાર બાદ એક કંપની શરુ કરી. ખુબ સફળ એ કંપની વેંચીને પૈસા બનાવ્યા બાદ તેઓ પૈસા લઈને ભારત પાછા ફર્યા અને શાંતિ ભવન શાળાની સ્થાપના કરી. બાળકો ભણવા આવે અને પાછા પોતાના ઘરે જતા રહે તે તેમની સ્થિતિ માં શક્ય જ નહોતું. ઘણા બાળકો ઝૂંપડામાં રહેતા હતા, ભણવા માટે એકાંત, વીજળી વગેરેની વ્યવસ્થા નહોતી, ઘણા બાળકો ઉપર સાત, આઠ વર્ષે માતાપિતા ના કામ માં મદદ કરવાનું દબાણ રહેતું. અને તે ઉપરાંત આ બાળકોને કોઉન્સેલિંગ, મેન્ટરીંગ અને એક્સટ્રા કૅરીક્યુલર એકટીવિટીસ ની પણ જરૂર હતી. આજુબાજુના સૌથી ગરીબ દલિત બાળકોને સર્વોત્તમ ભણતર, સાંસ્કૃતિક શિક્ષણ સાથે તેમના રહેવાની વ્યવસ્થા કરી. પછી ઝૂંપડીમાં જઈને ગરીબ માં બાપ પાસે તેમના બાળકો ને શાંતિ ભવનને સોંપી દેવાની વિનંતી કરી. એવા માતાપિતા જે કોઈ પણ સમયે પોતાના બાળકોનું ભલું ઇચ્છતા હોય છે તેમણે પોતાના દિલ ઉપર પથ્થર રાખીને તેમના નાના નાના ભુલકાઓને શાંતિ ભવન શાળા માં ઉછેરવા માટે સોંપી દીધા. બાળકો વર્ષમાં બે વખત પોતાના ઘરે વેકેશન ગાળવા જતા અને તે સિવાયનું બધુજ શિક્ષણ અંગ્રેજીમાં લઇ અને પછી શાંતિ ભવન ના ખર્ચે કોલેજ માં ભણવા ગયા. અને ત્યાર બાદ તેમને સારી સારી નોકરી ઓ મળી. ત્યારે ડોક્ટર જોર્જે બાળકોને કહ્યું કે તમે આ તમારી સિદ્ધિને સફળતા નહિ માનતા.

તમે જે ભણતર અને નાગરિકી શિક્ષણ પ્રાપ્ત કર્યું છે તેના દ્વારા માત્ર તમારી જિંદગી માં તમે વ્યવસાયિક અને ભૌતિક રીતે સ્થાયી થાઓ, જિંદગીમાં ક્યારેય ન પ્રાપ્ત કર્યું હોય તેને મેળવી શકો તે તમારા નસીબ અને અમારી ખુશી. ભારત માં તો કહેવાય છે કે વિધાતા લેખ લખે તેને કોઈ ટાળી નથી શકતું. અને છતાં પણ તમને મદદ મળી ત્યારે તેમાં તમારી અખંડ પરિશ્રમ નું મિશ્રણ કરીને વિધિએ લખેલ લેખ ને તમે બદલી શક્યા। તમારી ખુશી અને આ આનંદ ના પ્રસંગે અમે તમારી જોડે જોડાઈએ છીએ અને આનંદ અનુભવીએ છીએ. પણ અહીં અટકતા નહિ. આ સફળતા નથી. અમે તમારી ખરી સફળતા ત્યારે ગણીશું જયારે તમે ઓછા માં ઓછા બીજા સો બાળકોને જિંદગીમાં આગળ લાવો અને તેમના નસીબ ને બદલવામાં મદદ કરો.

પેલી વકીલ છોકરીએ શું કર્યું? તેણે વકીલાત શરુ કરતા જ સૌથી પહેલો કેસ લીધો તેની વિધવા માં માટેનો અને તેની સાથે 30 વર્ષ થી પથ્થર ની ખાણ માં પથ્થર કાપતા અને ત્યાંજ રહેતા બધા મજૂરોનો। દરેક કુટુંબને તેના હકની જમીન, મકાન, દાક્તરી સગવડ અને બાળકો માટે શાળાની સગવડ માટે ની કોર્ટ માં અરજી કરતો તે કેશ આગળ વધી રહ્યો છે. જિંદગીમાં સફળતાનો કોઈ માપદંડ નથી અને કોઈની સફળતાને આધારે કે તેની સરખામણી કરતા આપણી સફળતા નક્કી નથી થતી. બલ્કે જિંદગીમાં આપણી સફળતા શું છે તે તેની અસર ને આધારે અને આપણા સિદ્ધાંત પ્રમાણે આપણે જ નક્કી કરવાનું છે. આ સીરીઅલ નેટફ્લિક્સ માં જોવા મળી શકશે.

, , , , ,

  1. Leave a comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: